Van Harten willkamen oder „He!“ so as wi hier up uns Eiland sergen.

Een Witten Sandstrand an anner, van Ost na West, un naturbelatene Dünen sowiet as een Oogenpoor blod kieken kann, un denn dat Water, uns Nordsee. Heel deep dörahmen, sück de seelücht um de Nös weihn laten, dat Gebölk van de Korben in Lücht, de sachte Slag van de Nordseewellen, dat, ja dat arl is Nördernee. Nähm Di Tied dit arl to geneeten, mal to entspannen, eenfach eenmal sück utrüsten un sück gootgahnlaaten. Off in Sömmer , -- off in Winterdag, bi uns up Eiland is dat to elke Johrestied moy.
 
Willn Se een bietjet Offwesslung in of Unerhollung? Ok de finnen Se bi uns up Nördernee: Een groten alltied wesslnd Programm, off in Kulturellen, off in Sportlichen,-- uns Eiland bütt for elk un een wat heel Besünners. Nee to vergäten dat riekhollige Inkoopsangebot nee unerwähnt laaten.
 
Disse Tasamenspill van ruh un Erläben, hett säker siet Gründung van uns Seebad 1797 een heel Bült Badlü, dorbi ok Prominenz ut Adel, Politik un Kunst, up disse moye Eiland lockt. Dat hett sück bit vandag nee ännert, man blod uns Insel de is groter un moderner worn. Un so völfaltig as dit Eiland is ok sein Publikum. Off jung off old,-- unnernähmungslüstig, ok wenn Du Dien Ruh söchst, up Nordernee firnst Du wat Du söchst.
 
Un so kamen Se up de "Königin der Nordsee":
In een Dreevirtelstünn mit Schkipp van Norddiek sünd Se gau hier. Laaten Se Hör Fortüch man leever gliek An Norddiek stahn. Bi uns bruuken Se woll een Fohrrad, man anners könnent Se arl machelk offloopen. Tonot kann man hier ok mit Bus fohrn.
 
Dör dat Lösen van de Fohrkort, hemm Se ok gliek de Nörderneeekort (card) in`t Hand, as Kur,-Fähr, un Ferienkort völfaltig to verwennen, he holt ok eenige köstenfree un vergünstigste Angebote för Hör parat.
 
Söken Se noch een Quarteer, off hemm Se viellicht noch Fragen? Roopen Se uns man an, wie helpen Hör gern wieder.
 
Dar weer moy, wenn wi Hör up uns Eiland Nördernee begroten kunnen.